غزل ترکی) نه سؤزجوک؟
باشی نیزه اوستونده سانکی الف
بدن قعر گودالدا سانکی دال
اوزوک بارماغ اوستونده، بارماغ کسک
ب شکلی اولوبدور، نه دیر بئیله حال؟
دوزلدیب نه سؤزجوک بو اوچ حرفدن،
کی وارلیق وارینجا تاپانماز زوال؟
نه سؤزجوک کی گؤیلر اونا آغلاییب،
یئره قالماییب گولمق اؤتری مجال؟
نه سؤزجوک کی جنّ ایله انس و ملک
دوشوب حیرته، قالدیلار هامّی لال؟
نه سؤزجوک کی عرشین هوشون آزدیریب
باشیندان چالب، چاشدیریبدیر خیال؟
نه سؤزجوک کی دریا ائدیب داغلاری
اورکلر نولار بحره دؤنسه جبال؟
نه سؤزجوک کی اوچ گون گونش شرمدن
یویوب قانلا دیوارلر تک جمال؟
نه سؤزجوک کی بولبوللرین ماهنیسین
ایاخدان باشا ائیله ییب قیل و قال؟
نه سؤزجوک کی اولمازسا گیزلین قالیر
نه دیر شأن ربّانی ذوالجلال؟
"ادب" دیر ولاغیر، "ادب" دیر، باخین!
ادا ائیله ییبدیر نئجه بی مثال!
ائله سؤزجوگی بیر ائله طائره
کی اوچماغدا یوخ شوقی الّا وصال،
دیلیله دئمخ یاخشی دوشمز، گرک،
اوجور گؤرسده، یوخسا اولماز حلال....
بئله شعرده بیر بئله شاعره
کی عؤمرونده یوخ حاصل الّا ملال
نه وار ابتداسی، نه دوز بیر سونی
همان یاخشی خاموش اولا «شهسوار»